第5章 勿动勿好过（1/2）

我老婆赛弥陀阳了以后，我喂她吃了药，一直迷迷糊糊昏睡不醒。我也困了，迷糊中不知不觉也睡着了。我做起了梦——跟着老婆一起，来到了2021年2月的陆家嘴明珠小区。

现在是2021年2月5日下午3点半左右，老婆赛弥陀从客厅里走到房门口喊我：“老头子啊，侬今朝虽然身体不舒服，麻将不去搓，也勿要再孵拉床郞相看电视达，看之半天快达，屋里小菜没啊达，豪稍落起来，快点去超市买眼小菜。” 拉滴个之前，我每天一听老婆喊我么，保证一个鲤鱼打挺，从床郞相跳下来，拿好出门证，戴好消毒口罩搭子手套，骑上楼梯下头格一辆“老坦克”，到超市去买小菜。可是现在，老婆赛弥陀喊之半热天么，我还是靠在床上看电视，，一点也不理她。

老婆赛弥陀感到有眼勿对头，连忙拔高之喉咙：“侬只格死老头子啊，看侬啥格短命电视拉，眼睛都迷起来了，侬看看，太阳都要落山了，夜饭小菜拉勿要去买啊达？侬还勿快点落起来，到超市去买点小菜啊？”

我听到大老婆哇啦哇啦喊我么，还是有眼勿设想，还拉回嘴百张：“喔哟——，迭只电视马上要看好达，大概还有五分钟左右。买小菜么早啊里，等一些再去来得及啊里。”

“啥？现在侬勿上班，“买汏烧”本来在是侬格事体，我现在保安工作上班不算，还要每天烧饭。剩下来格买小菜、汏衣裳，才是侬格事体。侬还想偷懒啊？想也不要想！”

“老婆啊，格么侬想让我哪能呐？”

“扯侬格耳朵！”老婆赛弥陀一边讲着闲话，一边来到床边头，真的伸手来扯我的耳朵。

“哎哟哇——，老婆啊，侬快点放手，我痛得来吃不消啊的！我认输，我落起来，马上买小菜去。哎哟——，我格耳朵推板一眼眼拨侬扯脱达！”我被老婆扯之耳朵么，顿时像杀猪啰一样喊之起来。

老婆松开手，笑了起来：“侬只格死老头子，真是勿打勿成器，勿拨侬一点辣手吃吃，侬总归勿听我格好说好话。”

我摸摸被老婆扯痛格耳朵，只好乖乖滴从床郞相落起来，着好衣裳，拿好出门证，戴好消毒口罩搭子手套，骑上楼梯下头格一辆“老坦克”，到超市里去买小菜。

从2021年1月份以来，我迭个“新宅男”买小菜格门槛学来蛮好啊的，勿再买错脱小菜啊的。不过，我现在感到不适意格是，每天吃时困，困时吃，闲在屋里无所事事，实在是勿动勿好过。

因为疫情发生之前，我一直是一个闲不住多活动的人，我喜欢跟隔壁2号楼202室的老李他们一道，上半天么到小区格小花园里嘎嘎三胡，下半天么到6号楼101室老胡拉屋里去搓搓麻将，夜里相么，搭之2号楼202室的老李拉格老爱人阿妮头一道，去小区广场郞相跳跳舞，每天格活动丰富多彩。

所以，我到超市买好之小菜么，推之“老坦克”，走过广场郞相格辰光，看到有人拉放音乐跳舞么，心里也有眼痒西西，也想跳跳舞。不过，舞搭子好像一时上头寻不着。

说来啊真巧，隔壁2号楼202室的老李拉格老爱人阿妮头，平常一直喜欢搭我一道跳舞歌，伊迭格辰光也正好买之小菜也从超市走到广场郞来。我看到阿妮头么连忙打招呼：“阿妮头，侬好，反正日头撑来老高啊里，烧夜饭么早啊里，

伲两嘎头跟嘎拉广场格人一道跳脱一些舞，侬看哪能？”

阿妮头看到我喊伊么，心里也有眼痒西西，也有直跳舞的冲动。她连忙回答：“格么好格，反正太阳落山早啊里，伲俩嘎头跳脱一些舞再回转去。”于是，我伲两个人马上来到广场郞，一道跳起舞来。

啥人想得着，不过一息息，等在广场边上看跳舞的包打听首先发现远远地我老婆来了，就跑过来对我讲：“喂，淘江湖，阿妮头，你们俩不要跳舞了，赛弥陀来了！”听说老婆来了，我和阿妮头连忙分手，拎着买的小菜，躲到一边。

但是，老婆早已经远远地看见了我和阿妮头在牵手跳舞，跑过来就踢了我一脚：“淘江湖，侬白相来开心来？买之小菜还夹西拉外头，不回屋里厢？我还拉寿头寿脑等侬烧夜饭小菜里！”

这时阿妮头和已经在前面走回小区了，我正要走时，只听见“哇呜哇呜——哇呜哇呜——”一阵阵警车喇叭声响起来，从小区南面马路路郞开来一辆派出所的警车，停拉广场边上，车郞相下来三个警察。其中，一个大块头警察马上拿着喇叭，对拉广场上跳舞的老人高声喊道：“各位爷叔伯伯，阿姨婶婶，疫情防控辰光，请那勿要嘎西多人尬拉一道跳舞，马上离开广场，回到自己屋里去！”

包打听连忙搭嘎拉打招呼：“警察同志，让他们这些老人跳完这段音乐再离开好伐？”

伊格大块头警察回答：“不来汕格！迭格是命令，必须执行！请那马上停下来，不许跳舞了，赶快离开广场。否则，后果自负！”

包打听反问道：“为啥？他们只不过跳个舞呀，难道违法了吗？”

大块头警察又回答：“刚才搭那话过了，疫情还没有消停，不可以那么多人一起聚众活动。难道那还没有听懂是伐？”

“音乐马上放完了，让他们跳完这一曲总可以吧？”包打听又问了一下。

“不来三格！你们再不停下来，请跟我们回派出所去！”

到迭格辰光，所有跳舞的人只好停下来，有眼勿大情愿格准备离开广场。

啥人晓得，阿妮头和包打听在前头走，我搭仔老婆拉后面跟，一路上朝明珠小区里走去，勿牢三个警察像个蚂蟥盯牢螺丝脚一样，也开之警车也来到了明珠小区里。格么，警车来明珠小区做啥呢？

老李因为中郞相吃过饭以后有眼头疼，所以，勿出去买小菜，让老爱人阿妮头出去买。啥人晓得，阿妮头买小菜跑出去小半天达，还没回转来，伊想来想去勿放心。于是，伊走出来想看看卡。